Më 14 shkurt nënkryetari i shtetit i Kinës Xi Jinping, që po bën një vizitë në ShBA, tha në Uashington se Kina do të nxitë pandërprerë zhvillimin e mëtejshëm të çështjes së të drejtave të njeriut. Z. Xi i shprehu këto gjatë fjalës që mbajti në drekën e shtruar për nder të tij nga nënpresidenti amerikan Joseph Biden dhe sekretarja e Shtetit Hillary Klinton. Ndër të tjera ai tha se gjatë mbi 30 vjetëve pas reformës dhe hapjes ndaj botës, Kina ka arritur suksese të mëdha në çështjen e të drejtave të njeriut. Zv.kryetari kinez i shtetit theksoi se, mbështetur në barazinë dhe respektin e ndërsjellë, Kina dëshiron të zhvillojë dialog dhe shkëmbime të hapura e konstruktive me SHBA-në dhe vendet e tjera të botës për të shtuar njohjen, për të pakësuar divergjencat, për të mësuar nga njëri-tjetri dhe për të përparuar bashkërisht. (Du/Artani)