Qeveria e Iranit po përpiqet ta minimizojë peshën që mund të kenë sanksionet e reja amerikane ndaj këtij vendi, duke thënë se vënia në shënjestër e bankës qendrore iraniane nuk do të ketë efekt të ndjeshëm.

Zëdhënësi i Ministrisë së Jashtme iraniane Mehmanparast Ramin thotë:

"Kjo lëvizje po kryhet në atmosferën e një lufte psikologjike. Shumë prej këtyre veprimeve nuk mund të kenë ndikim në ecurinë e bashkëpunimit tonë me vende të ndryshme."

Ai vëren gjithashtu se Irani nuk ka ndonjë marrëveshje financiare me Shtetet e Bashkuara.

Presidenti amerikan Barak Obama ka urdhëruar një ngrirje të të gjitha pasurive iraniane nën juridiksionin e ShBA-së, përfshirë edhe ato të bankës qendrore të Iranit. Ky veprim kryhet në kohën kur tensionet lidhur me programin bërthamor të këtij vendi vazhdojnë të shtohen. (Artani)