Ministri i Jashtëm i Iranit, Ali Akbar Salehi deklaroi publikisht se Teherani është gati t'i përgjigjet çdo shqetësimi të ngritur nga Agjencia Ndërkombëtare e Energjisë Atomike (IAEA).

Komentet e tij erdhën gjatë mbajtjes së Samitit të 18-të të Bashkimit Afrikan.

Salehi tha se Irani do të tregojë se është një anëtar i ndershëm dhe transparent i IAEA-s dhe i tillë ka qenë në 10 vjetët e fundit.

Një delegacion i IAEA-s ka mbërritur në Iran të dielën ku pritet të vizitojë instalimet bërthamore.

Vizita e inspektorëve vjen pas sanksioneve të reja të ndërmarra nga SHBA-ja dhe disa vendeve perëndimore, të cilat besojnë se Irani po zhvillon armë bërthamore, por Teherani mohon dhe thotë se është vetëm për përdorim të brendshëm. (Leftion Peristeri)