Televizioni informativ i Iranit njoftoi se më 17 janar ministri i Jashtëm iranian Ataollah Salehi u shpreh që, me gjithë vrasjen këtë muaj të një eksperti bërthamor iranian, Irani përsëri dëshiron që, së bashku me vendet përkatëse, të rifillojë bisedimet mbi problemin e vet bërthamor.

Salehi tha se, ndonëse Agjencia Ndërkombëtare e Energjisë Atomike nuk ka të drejtë të publikojë informacione sensitive mbi veprimtarinë bërthamore të vendeve anëtare, për fat të keq ky institucion nuk ka përmbushur detyrimet përkatëse.

Po më 18 janar ministri i Jashtëm i Rusisë Sergei Lavrov tha në Moskë se Irani është gati për të rifilluar bisedimet me gjashtë vendet përkatëse lidhur me problemin bërthamor. Ai shtoi gjithashtu se përfaqësuesit e vendeve anëtare të Bashkimit Evropian po kontaktojnë me palën iraniane për caktimin e datës së këtyre bisedimeve. (Du/Artani)