Më 17 janar kryeministri kinez Wen Jiabao, që ndodhej për vizitë në Emiratet e Bashkuara Arabe, zhvilloi bisedime me kryeministrin e këtij vendi Sheikh Mohamed. Gjatë këtyre bisedimeve Wen Jiabao tha se ruajtja e paqes dhe e stabilitetit në rajonin e Gjirit ka rëndësi të madhe për botën. Kryeministri Wen u shpreh po ashtu se Kina u kushton rëndësi marrëdhënieve me vendet e këtij rajoni dhe dëshiron të forcojë bashkërendimin me to për probleme të rëndësishme.

Nga ana e tij Mohamedi tha se bashkëpunimi midis dy vendeve ka nxitur zhvillimin ekonomik të Emirateve të Bashkuara Arabe, duke thelluar lidhjet midis dy popujve. (Fani/Artani)