Kina dhe Organizata e Konferencës Islamike kanë interesa të përbashkëta në ruajtjen e paqes dhe stabilitetit në Azinë Perëndimore dhe Afrikën Veriore, tha kryeministri kinez Wen Jiabao më 15 janar, gjatë takimit me sekretarin e përgjithshëm të Organizatës së Konferencës Islamike Ekmeledin Ihsanoglu.

Kryeministri kinez shtoi se Kina shpreson dhe beson që qeveritë dhe popujt në këtë rajon kanë aftësi për të zgjidhur problemet e tyre.

Gjatë takimit, Wen Jiabao u shpreh se pala kineze bën thirrje për ndalimin e të gjithave formave të dhunës ndaj banorëve të thjeshtë dhe mbështet gjithashtu kërkesat e popujve përkatës për reformë, duke besuar që qeveritë dhe popujt në këtë rajon janë të aftë për zgjidhjen e problemeve. Ai tha gjithashtu që Organizata e Konferencës Islamike dhe Lidhja Arabe mund të luajnë rol më të rëndësishëm në këtë drejtim. (Jiang Lei)