Më 28 dhjetor në kryeqytetin koreanoverior, u zhvillua ceremonia e lamtumirës për udhëheqësin suprem, të ndjerin Kim Jong Il. Në këtë ceremoni, morën pjesë nënkryetari i Komisionit Qendror Ushtarak të Partisë së Punës të Koresë së Veriut, Kim Jong-un, shefi i Shtabit të Përgjithshëm të Ushtrisë së Popullit Koreanoverior, Lee Young Ho, ministri i Forcave Popullore të Koresë së Veriut Kim Yong Chun, nënkryetari i Komitetit të Mbrojtjes Chang Sung Taek, si dhe liderët partiakë, politikë dhe ushtarakë në Korenë e Veriut, diplomatët e vendeve të ndryshme në Pyongyang dhe banorët e thjeshtë.

Po atë ditë, makina me trupin e pajetë të Kim Jong Il u nis nga Pallati Kumsusan dhe kaloi monumentet, ndërtesat dhe rrugët kryesore të kryeqytetit, ku dhjetra mijëra banorë dhe personalitete të qarqeve të ndryshme të kryeqytetit qëndronin buzë rrugës, për të dhënë lamtumirën e fundit për Kim Jong Il.

Sipas planifikimit, homazhet e fundit do të zhvillohen më 29 dhjetor.(Jiang Lei)