Autoritetet shëndetësore të Hong-Kongut asgjësuan më shumë se 17 mijë pula në një treg, pasi u zbulua se një pulë e ngordhur ishte e prekur nga virusi i gripit të shpendëve H5N1. Ata gjithashtu kanë ndaluar importet për tre javë dhe po përpiqen të përcaktojnë nëse pula e infektuar ishte e importuar apo vinte nga pularitë vendore.

Drejtori i Ushqimit dhe Shëndetit i Hong-Kongut, Jork Chow,

thotë se situata është serioze, duke shtuar se ka mundësi që disa nga pulat e infektuara të jenë shitur tashmë në treg.

"Disa pula në Cheung Sha Wan mund të jenë hedhur në treg. Megjithatë, rreziku është i ulët, për sa kohë që njerëzit i ziejnë mirë pulat para se t'i hanë."

Zyrtarë të bujqësisë kanë bërë kontrolle në të gjitha fermat e Hong-Kongut, por nuk kanë gjetur asgjë të pazakontë.

Nga virusi H5N1 mund të preken personat që kanë pasur kontakte me shpendët e infektuara, veçanërisht në disa pjesë të Azisë.