"Duam një traktat të ri evropian që të jetë i vlefshëm për 27 vende, sepse asnjë nuk ndihet i përjashtuar." Ky lajm është bërë i ditur nga Presidenti francez, Nikolas Sarkozi, pas takimit të zhvilluar me kancelaren gjermane, Angela Merkel. Takimi i sotëm ishte një samit për Evropën, në të cilin të dy liderët kanë rënë dakort për gjithçka.

"Duam sanksione të menjëhershme për të gjitha vendet që nuk e kanë respektuar sundimin e defiçitit me 3% nga PBB-ja , tha Sarkozy. Besojmë se marrëveshja mes Francës dhe Gjermanisë është më e plota e mundshme dhe së shpejti do t'i dërgojmë një letër, Presidentit të Këshillit Europian, Herman Van Rompuj", ka thënë Sarkozy.

Në konferencën e përbashkët të dhënë për shtyp, Kancelarja gjermane, Angela Merkel është shprehur se, "Eurobondet në asnjë rast nuk janë një zgjidhje e mirë për krizën". Ndërkohë që Sarkozi bëri thirrje që të gjithë vendet anëtare të kenë besim te Banka Qendrore Evropiane dhe te pavarësia e saj.

(Marrë nga Ora News)