Pas realizimit me sukses të procesit të parë "docking", (bashkimit të anije kozmike "Shenzhou 8" me laboratorin kozmik "Tiangong 1"), Kina deklaron se është e hapur për të bashkëpunuar me vende të tjera.

Zëdhënësja e Projektit kinez Kozmik me Kozmonaut, Wu Ping, thotë se Kina do të zhvillojë bashkëpunim konkret me vende të ndryshme për projektet e hapësirës.

Shkencëtarët kinezë dhe ata gjermanë do të zhvillojnë 17 eksperimente të përbashkëta biologjike në hapësirë.

Projektet hapësinore të Kinës janë transparente, thotë zëdhënësja Wu Ping. Lëshimi i anijes kozmike "Shenzhou 8" u vëzhgua nga afër nga përfaqësues të Agjencisë Hapësinore Evropiane dhe të Qendrës Kozmike të Gjermane.

Kina do të vazhdojë të bashkëpunojë me vende të ndryshme në bazë të respektit reciprok. "Autoritetet kineze dëshirojnë që vende të ndryshme të zhvillojnë teknikën kozmike dhe të japin kontribut për të shfrytëzuar në mënyrë paqësore hapësirën kozmike, për t'u dhënë lumturi njerëzve," theksoi Wu. (Çang Çuo)