Teatri Kombëtar për Fëmijë shfaq te dielen shfaqjen "Princi i vogël", nga vepra e Antoine de Saint Exupery dhe me regji të bullgarit, Bonjo Lungov.Regjisori Lungov, i cili prej kohësh ndodhet në Tiranë për të zhvilluar provat është shprehur për mediat se kjo shfaqje sjell një teknikë të re për Teatrin e Kukullave e cila konsiston në ndriçimin nëpërmjet dritës vetëm të kukullës, ndërsa tre aktorët që e lëvizin atë, mbeten të padukshëm. Janë tre aktorë që punojnë me një kukull, që do të thotë se të tre duhet të jenë në sinkron të plotë dhe kjo nuk është e lehtë", është shpehur regjisori bullgar.Ndërkohë që kukullat dhe skenografia janë realizuar nga vetë regjisori në skenën e re të Teatrit Kombëtar për Fëmijë ku shfaqja vazhdon të jepet çdo të shtunë dhe të diel ora 11:00. "Është një shfaqje për moshën 2 deri në 89 vjeç", është shprehur regjisori, Bonjo Lungov."Princi i vogël" është realizuar në bazë të marrëveshjes së Qendrës Kombëtare të Fëmijëve me Akademinë NATFIZ, në Sofej. (Gazmend Agaj)