Shtepia Botuese "TOENA" dhe fondacioni "Trashëgimia Shqiptare" (AHF) kanë hedhur në treg albumin: "Butrinti i Përjetshëm - Një Qendër e Trashëgimisë Botërore të UNESCO-s në Shqipëri, nga autori Richard Hodges. Kjo histori është përshkruar me sytë e shekullit të XXI, duke e trajtuar Butrintin në mënyrë të tillë që vizitorët dhe studiuesit të magjepsen dhe të eksplorojnë këtë vend të virgjër. Vetë autori, i ardhur në 1992 në Shqipëri, me projektet e tij, ka dhënë një ndihmesë të madhe, që Butrinti të jetë pjesë e Trashëgimisë Kulturore të UNESCO-s, një Park Kombëtar, si dhe një qendër lagunore më rëndësi ndërkombëtare, e njohur prej Konventës Ramsar. Ky botim vjen i ilustruar me foto të shumta, duke i dhënë lexuesit një material të plotë të Butrintit të periudhës së antikitetit dhe shndërrimin e tij deri në ditët e sotme. (Gazmend Agaj)