Bregdeti i Durrësit ka nisur prej disa javësh të mbushet me kioska druri, metalike dhe materiali tjetër, të cilat po bëhen gati të presin sezonin e ri turistik 2011. Por realisht ato nuk duhet të tolerohen dhe të lejohen të ngrihen nga Inspektorati Ndërtimor, gjë e cila nuk është bërë deri sot. Pothuajse është e njëjta skemë që përsëritet çdo vit në prag-sezonin veror. Në vijën bregdetare të qytetit të Durrësit ngrihen kioska pa lejen e bashkisë.Ndërkohë, një pjesë e lokaleve, gjithashtu pa leje, kanë vazhduar aktivitetin pa ndërprerje edhe gjatë sezonit të dimrit. Por këtu qëndron edhe paradoksi, pasi edhe pse lokalet janë ngritur pa leje, aktiviteti i tyre tregtar është i licencuar për bare dhe për restorante.(Gazmend Agaj)