Shtatë ditë pas tërmetit të 11 marsit në Japoni, deri në orën 6 në mbrëmje sipas orës lokale, numri i viktimave arriti në 5457 dhe 9508 të tjerë janë konfirmuar si të zhdukur. Ndërkohë, vende të ndryshme, po i dërgojnë Japonisë, ndihma financiare dhe materiale.

Para një gjendjeje të tillë, sekretari i përgjithshëm i Agjencisë Atomike Ndërkombëtare, Jukija Amano, deklaroi në Vjenë se ai do ta vizitojë sa më parë Japoninë për të vlerësuar së bashku me autoritetet japoneze, shkallën e dëmtimit të centralit bërthamor.

Ndërsa, Kina, pas kërkesës së qeverisë japoneze, do t'i dhurojë Japonisë 10 mijë tonë benzinë dhe 10 mijë tonë naftë diezel. Kjo ndihmë u shtohet materialeve humanitare me një vlerë prej 30 milionë juanësh dhe dërgimit të skuadrës të shpëtimit.

(Çan Yean)