Mbylli punimet e tij, sesioni vjetor i Asamblesë Kombëtare Popullore, organi më i lartë legjislativ i Kinës. Dita e fundit e punimeve ishte paraditja e 14 marsit.
Udhëheqësit e partisë dhe të shtetit, mes tyre, Hu Jintao, Wu Bangguo, Wen Jiabao dhe Jia Qinglin, ishin të pranishëm në mbledhjen e fundit të sesionit që e drejtoi Kryetari i Komitetit të Përgjithshëm të Asamblesë Kombëtare Popullore të Kinës. Në seancën e fundit ai mbajti dhe fjalimin e tij.
Sesioni miratoi raportin e kryeministrit Wen Jiabao, mbi veprimtarinë e qeverisë, raportin e planit të 12-të 5-vjeçar, buxhetin e shtetit të vitit 2011. Gjithashtu sesioni miratoi raportin e punës të Komitetit të Përgjithshëm të Asamblesë Kombëtare Popullore të Kinës, raportin e punës së Gjykatës së Lartë Popullore, dhe raportin e punës të Prokurorisë së Lartë Popullore.
Pas seancës, kryeministri kinez, Wen Jiabao, takoi gazetarët kinezë dhe të huaj dhe ju përgjigj pyetjeve të tyre.(Zhan Dian)