Kina ka ndjekur me shqetësim krizën e borxheve sovrane në disa vende evropiane dhe ka blerë borxhe nga vendet e interesuara. Deklarata është e ministrit të Jashtëm kinez, Yang Jiechi, në Pekin.

Kina, tha ministri Yang, ka ndihmuar edhe në procesin e integrimit evropian.

"Këto masa të ndërmarra nga Kina, janë pritur mirë në nga qeveritë dhe popujt evropianë", tha ministri.

Në konferencën e shtypit, ministri tha se Kina dëshiron të nxitë marrëdhëniet e partneritetit politik dhe tregtar me BE-në.

"Nën sfondin e globalizimit ekonomik, të gjitha shtetet janë më të lidhura mes tyre." Ndaj të gjitha vendet, tha Yang, duhet ta ndihmojnë njëra tjetrën dhe të shtojnë besimin mes tyre.