Pritet që në 5 vitet e ardhshme, Kina të liberalizojë politikën e planifikimit familjar, duke lejuar një fëmijë të dytë për familjet. Wang Yuqing, zyrtari kinez për popullsinë, burimet dhe mjedisin, mendon se liberalizimi, nuk do të sjellë shtim të vrullshëm të popullsisë.

Për momentin, pasja e një fëmije të dytë lejohet në fshat dhe në rajonet e pakicave kombëtare, nëse fëmija e parë është vajzë. Wang Yuqing, thotë se kjo politikë mund të zbatohet gradualisht edhe në qytete, ku është i dukshëm problemi i plakjes.

Në qytetet e madha kineze, si Pekini dhe Shangai, lindshmëria është ulur vazhdimisht. Për shkak të shpenzimeve të mëdha për rritjen e fëmijëve, të rinjtë kinezë po ndryshojnë konceptin për fëmijët. Në këtë bazë, do të ulet popullsia, pa kontrollin e fortë të qeverisë. (Wang Lei)