Kryetari i shtetit të Kinës, Hu Jintao, mbërriti më 18 janar në kryeqytetin e SHBA-së Uashington, duke filluar vizitën e tij shtetërore. Ajo zhvillohet me ftesë të Presidentit amerikan Barack Obama.

Në deklaratën e tij të parë gjatë vizitës në SHBA, Hu Jintao shprehu urimet e tij për popullin amerikan me rastin e vitit të ri duke përcjellë kështu vetë urimet e popullit kinez për atë amerikan. Ai tha gjithashtu se vizita e tij në SHBA, shërben për të nxitur besimin reciprok dhe forcuar miqësinë mes dy vendeve. Kjo, tha Kryetari kinez, do të thellojë bashkëpunimin dhe nxisë marrëdhëniet kino-amerikane.

Të martën në mbrëmje, Hu Jintao mori pjesë në një darkë private të organizuar nga Presidenti Obama në Shtëpinë e Bardhë. Të dy zyrtarët vlerësuan lart përparimet e arritura në marrëdhëniet kino-amerikane. Gjithashtu ata shprehën dëshirën e tyre për të nxitur më tej zhvillimin e këtyre marrëdhënieve. (Çang Çuo)