Ministri kinez i Mbrojtjes, Liang Guanglie dhe sekretari amerikan i Mbrojtjes Robert Gates u takuan në Pekin, në godinën e 1 gushtit. Pas takimit të dy zyrtarët dolën në një konferencë të përbashkët shtypi .
Siç njofton korrespodenti i Radios së Jashtme të Kinës, të dyja palët mendojnë se marrëdhëniet e shëndosha dhe të qëndrueshme ushtarake midis Kinës dhe SHBA-së janë pjesë e rëndësishme e qëndrimit të të dy presidentëve, për ndërtimin e marrëdhënieve të bashkëpunimit pozitiv në shekullin e 21-të. Njëkohësisht ruajtja e zhvillimit të shëndoshë dhe të qëndrueshëm të marrëdhënieve midis dy ushtrive përputhet me interesat dypalëshe. Siç u tha në konferencën e shtypit, forcimi dhe ruajtja e dialogut ka rëndësi të madhe për zhvillimin e marrëdhënieve midis dy ushtrive.
Takimi mes ministrave të mbrojtjes të SHBA-së dhe Kinës, zhvillohet në prag të vizitës, javën që vjen, të Kryetarit kinez Hu Jintao në SHBA. (Sihai)