Më 12 nëntor u zhvillua në Seul, kryeqytetin e Koresë së Jugut, Samiti i 5-të i udhëheqësve të Grupit të 20 vendeve. Kryetari i Shtetit i Kinës Hu Jintao mori pjesë në këtë samit dhe mbajti fjalim. Ai theksoi se palët e ndryshme duhet të ruajnë frymën e bashkëpunimit, dhe të vazhdojnë përpjekjet për të nxitur ekonominë botërore që të rritet në mënyrë të fuqishme, të vazhdueshme dhe proporcionale.

Për të realizuar rritjen e fortë, të vazhdueshme e proporcionale të ekonomisë botërore, Hu Jintao parashtroi 4 propozimet. Ai u bëri thirrje palëve të ndryshme të përmirësojnë sistemin e kornizës, të nxitin zhvillimin e bashkëpunimit, të marrin iniciativën për hapjen dhe tregtinë, të shpejtojnë zhvillimin përpjesëtimor, të përmirësojnë sistemin financiar, të nxitin zhvillimin e qëndrueshëm, të zvogëlojnë diferencën e zhvillimit dhe të shpejtojnë zhvillimin proporcional.

Në këtë samit do të diskutohet kryesisht për situatën ekonomike të botës, kornizën e rritjes së fortë, të vazhdueshme dhe proporcionale, reformën e institucioneve financiare ndërkombëtare, kontrollin e administrimin e financës ndërkombëtare, rrjetin e sigurisë së financës botërore dhe për tema të tjera mbi zhvillimin dhe tregtinë. (Sihai)