Pas rrëshqitjeve të tokës në qytezën Zhouqu të Kinës perëndimore, ndërmarrjet qendrore të Kinës po aktivizohen në punën e shpëtimit, për të riparuar infrastrukturën dhe për të garantuar furnizimin me materiale ndihmëse.
Më 13 gusht, gazetari i Radios së Jashtme të Kinës mësoi nga Komitetit për Kontrollin e Pronave Shtetërore pranë Këshillit të Shtetit të Kinës se, nën bashkëpunimin dhe mbështetjen e ndërmarrjeve qendrore, tani në zonat e prekura, ka rifilluar furnizimi me energji për disa sektorë të rëndësishëm, si spitale, vendbanime të përkohshme dhe zona komunikimi. Krahas kësaj, ndërmarrjet qendrore në fushën e telekomunikacionit kanë krijuar akses të shpejtë për banorët e prekur.
Sipas statistikave fillestare, deri më 12 gusht, ndërmarrjet qendrore kineze kanë financuar mbi 20 milionë juanë për shpëtimin e fatkeqësisë në Zhouqu. (Jiang Lei)(Albana)