Më 21 korrik në Nju Jork, sekretari i përgjithshëm i OKB-së Ban Ki-moon dhe kryeministri britanik David Cameron zhvilluan bisedime në selinë e OKB-së. Gjatë bisedimeve, të dyja palët ranë dakord se problemi bërthamor i Iranit duhet të zgjidhet nëpërmjet përpjekjeve diplomatike.

Kjo është vizita e parë e Cameron në selinë e Kombeve të Bashkuara pas zgjedhjes së tij si kryeministër i Britanisë së Madhe. Pas bisedimeve, zëdhënësi i Cameron u tha gazetarëve se të dyja palët arritën në mendime të njëjta në lidhje me faktin që komuniteti ndërkombëtar duhet të shtojë bashkërendimin, për të zgjidhur problemin bërthamor të Iranit në mënyrë diplomatike. Krahas këtyre, të dyja palët theksuan gjithashtu se duhet medoemos të zbatohen masat e sanksioneve të OKB-së ndaj Iranit. (Jiang Lei)