Kryetari i Komitetit Kombëtar të Sigurisë dhe Marrëdhënieve të Jashtme pranë Parlamentit Islamik të Iranit, Alaeddin Boroujerdi refuzoi kërkesën e senatorit amerikan John Kerry për një vizitë në Tehran.

Gjatë intervistës me agjencinë iraniane të lajmeve IRNA, Alaeddin Boroujerdi tha se pas ardhjes në pushtet të presidentit amerikan Obama vitin e kaluar, nuk ka ndryshime të rëndësishme në politikat e SHBA-së me Iranin, për këtë arsye Irani nuk do të ndryshojë politikën e tij ndaj SHBA-së. Ai tha se gjatë fillimit të mandatit, presidenti Obama ishte shprehur që do të përmirësonte marrëdhëniet me Iranin, por veprimet e tij ishin në drejtimin e kundërt. Duke marrë parasysh këtë gjendje, pala iraniane refuzon kërkesën e senatorit amerikan për vizitë.

Sipas njoftimeve përkatëse, ndryshimet e rëndësishme të përmendura nga pala iraniane përfshijnë: zvogëlimin përkrahjes së qeverisë amerikane për Izraelin, heqjen e sanksioneve afatgjata ndaj Iranit, ndalimin e përkrahjes për palën opozitare brenda Iranit, tërheqjen e trupave nga Iraku dhe Afganistani dhe mos-ushtrimin e trysnisë mbi Iranin për ndalimin e programit bërthamor. (Jiang Lei)