Më 3 maj u hap zyrtarisht për turistët pavijoni i Shqipërisë në Ekspozitën Botërore të Shangait, pavijon që ndodhet në një prej ndërtesave të përbashkëta të Evropës. Kjo shënon ngritjen e siparit të pjesëmarrjes së parë të Shqipërisë në EXPO.

Mësohet se tema e pavijonit të Shqipërisë është "Rritu me ne". Pavijoni e paraqet Shqipërinë nëpërmjet historisë, kulturës, energjisë, turizmit etj. Pavijoni shqiptar ka dy kate dhe në qendër të tij janë dritat me teknologjinë LED që formojnë ngjyrat e ylberit, duke treguar kështu larmishmërinë e qytetit të ardhshëm.

5 maji do të jetë Dita e Pavijonit Kombëtar të Shqipërisë në Ekspozitën Botërore të Shangait, duke qenë njëkohësisht edhe dita e parë e një pavijoni kombëtar që organizohet në këtë EXPO. (Çang Çuo)