Më 21 prill, funksionari i Komitetit Shtetëror të Zhvillimit dhe të Reformës të Kinës Wei Guijun u shpreh në Pekin se, pas rënies së tërmetit në Yushu të provincës Qinghai, organet përkatëse të qeverisë kineze kanë bërë përpjekjet më të mëdha për të riparuar pajisjet e komunikacionit e infrastrukturën, duke siguruar furnizimin me materiale ndihme.

Wei Guijun tha se tani rrugët kryesore për në Yushu janë të lira dhe furnizimi me energji elektrike në zonën e prekur nga tërmeti mund të plotësojë në përgjithësi kërkesat. Është rivendosur telekomunikacioni në Yushu, ndërsa në 4 fshatra ka rifilluar furnizimi me ujë. Organet përkatëse i kanë dhënë provincës Qinghai mbi 6700 tonë oriz e grurë për të siguruar furnizimin me ushqime në zonën e prekur nga fatkeqësia. (Fani) (Artan)