Më 18 prill, zëdhënësja e Ministrisë e Punëve të Jashtme të Kinës, Jiang Yu i dha përgjigje pyetjes së gazetarëve mbi ofrimin e ndihmës nga vende të huaja për zhdukjen e pasojave të shkaktuara nga tërmeti në Yushu të provincës Qinghai.

Duke iu përgjigjur pyetjes për qëndrimin e qeverisë kineze mbi ndihmën e ofruar nga disa vende të huaja, Jiang Yu tha se pas tërmetit në Yushu, komuniteti ndërkombëtar i kushtoi vëmendje të madhe punëve për zhdukjen e pasojave të shkaktuara nga tërmeti, duke shprehur gjithashtu ngushëllime. Ndërkohë, disa vende shprehën dëshirën e tyre për të dhënë ndihmë për palën kineze, çka flet mjaft për miqësinë e dashurinë e komunitetit ndërkombëtar për popullin kinez. Nga ana e saj, qeveria kineze e mirëpret dhe falënderon për këtë, duke publikuar njëkohësisht informacionet e llogarive bankare për dërgimin e dhurimeve. (Jiang Lei)