Deri në orën 10 të 17 prillit, tërmeti në Yushu të provincës Qinghai shkaktoi 1339 të vdekur dhe 323 të tjerë deklarohen të humbur. Po këtë ditë Ministria kineze e Sigurimit Publik lëshoi urdhrin për kërkimin e të mbijetuarve nga tërmeti. Edhe një fije të vetme shprese po të ketë, nuk do të hiqet kurrë dorë nga puna për gjetjen e njerëzve të gjallë.
Më 17 prill, komanda e punës së luftës kundër tërmetit dhe të ndihmës në fatkeqësi e provincës Qinghai mbajti një konferencë shtypi, ku paraqiti situatën e tanishme të luftës kundër tërmetit. Sipas statistikave më të reja, tani në zonën e prekur nga tërmeti 210 mijë banesa, me një sipërfaqe prej 330 mijë metrash katrore, janë shkatërruar, është dëmtuar rëndë infrastruktura dhe është prishur sistemi i furnizimit me ujë të pijshëm. Qeveria kineze ka angazhuar 120 mijë njerëz për të bërë punët e ndihmës.
unonjësit e ndihmës vazhdojnë punën e kërkimit të të mbijetuarve
Deri më 17 prill Ushtria Çlirimtare Kineze dhe forcat e Policisë së Armatosur kanë dërguar më shumë se 12 mijë trupa në zonën e prekur nga tërmeti, që kanë shpëtuar 1253 banorë vendorë dhe kanë mjekuar 3831 të tjerë.
Forcat ajrore kineze kanë dërguar 8 aeroplanë për të transportuar banorët e plagosur dhe materialet e ndihmës. (Yuan Xin) (Artan)
