Kreu i Shtetit i Kinës Xi Jinping mbajti një fjalim në Seattle, ndalesa e parë e vizitës së tij shtetërore në SHBA.

Xi Jinping bëri thirrje për më shumë punë nga të dyja palët.

"Bashkëpunimi është e vetmja zgjidhje e duhur që sjell përfitim, por kërkon trajtim të ndërsjelltë të interesave dhe shqetësimeve të përbashkëta. Nëse Kina dhe SHBA-ja do të bashkëpunojnë mirë, ato mund të bëhen një shtyllë e stabilitetit global dhe mbrojtëse të paqes botërore. Nëse do të hyjnë në konflikte dhe konfrontime, do të jetë katastrofë për të dy vendet dhe për botën në përgjithësi."

Xi nënvizoi gjithashtu se dy vendet kanë zgjeruar fushën e bashkëpunimit, përfshi sigurinë kibernetike.

Kreu i Shtetit Xi tha se Kina është e gatshme të marrë pjesë në bisedime të nivelit të lartë me SHBA-në për të luftuar krimin kibernetik, si dhe mbështeti propozimin që të dy palët të shkëmbejnë 50 mijë studentë.

Fjalimi i Xi Jinping u mbajt në një takim të organizuar nga Komiteti Kombëtar i Marrëdhënieve SHBA-Kinë, Këshilli i Biznesit SHBA-Kinë dhe Shtetit të Uashingtonit. (Albana)