Angli (Foto ATSH)

Dënimet e shpejta dhe dërgimi i oficerëve të specializuar të policisë janë përgjigjet që kryeministri britanik, Keir Starmer, premtoi për t’i dhënë fund dhunës së ekstremit të djathtë që u përhap në të gjithë Mbretërinë e Bashkuar gjatë fundjavës, bën të ditur “ATSH”. Një javë pas sulmit me thikë që mori jetën e tre fëmijëve në veriperëndim të Anglisë, mes spekulimeve për origjinën e të dyshuarit, vendi po përballet me trazirat më të këqija në 13 vjet.

Foto nga VCG

Ditët e fundit ka sulme ndaj hoteleve që strehojnë azilkërkues ose xhamive dhe bizneseve. Policia ka bërë më shumë se 378 arrestime që nga fillimi i përleshjeve, sipas NPÇ, një organizatë që bashkon krerët e forcave të ndryshme policore në të gjithë vendin.

Në përfundim të një takimi krize në Downing Street, kreu i qeverisë laburiste njoftoi mobilizimin e një ushtrie rezervë të policëve të specializuar për të përballuar përplasjet, por pa dhënë detaje të mëtejshme.

Foto nga VCG

Në pushtet prej një muaji, Keir Starmer theksoi se prioriteti i tij absolut ishte t’i jepte fund trazirave. (Elona)