Foto nga CFP

Treguesi zyrtar i menaxherëve të blerjes (PMI) për sektorin e prodhimit i Kinës ishte 49.4 në nëntor, nga 49.5 në muajin pararendës, treguan të enjten të dhënat më të fundit nga Zyra Kombëtare e Statistikave (NBS). 

PMI është një matës i ndjenjës së biznesit të operatorëve të fabrikave, ku 50 pikë është pragu që ndan zgjerimin nga tkurrja. 

Rënia e vogël në nëntor mund të ketë ardhur prej kërkesës së pamjaftueshme të tregut dhe faktit se disa industri prodhuese kanë hyrë në periudhën jokulmore të punës, sipas statistikanit të lartë të NBS-së Zhao Qinghe.

Megjithatë, treguesit e prodhimit, si për teknologjinë e lartë, ashtu edhe prodhimin e pajisjeve, e kaluar pragun prej 50 pikësh, duke treguar një forcim të faktorëve të rinj të rritjes. 

Organizatat ndërkombëtare janë optimiste rreth perspektivave të zhvillimit të Kinës. Organizata për Bashkëpunim dhe Zhvillim Ekonomik parashikon që PBB-ja reale e Kinës të rritet me 5.2 për qind në vitin 2023, duke ngritur parashikimin e saj prej 5.1 për qind të bërë në shtator, sipas raportit të fundit mbi perspektivën ekonomike të publikuar të mërkurën.