Foto:VCG

Kina synon të dyfishojë densitetin e saj të robotëve prodhues deri në vitin 2025 krahasuar me atë të vitit 2020, sipas një plani veprimi të publikuar gjatë kësaj jave nga Ministria e Industrisë dhe Teknologjisë së Informacionit dhe 16 departamente të tjera qeveritare.

Sipas planit, do të nisë një aksion “robotikë +”, për të rritur përdorimin e robotikës, raporton “Xinhua”.

Foto:VCG

Përdorimi i shërbimit dhe robotëve specialë do të rritet ndjeshëm deri në vitin 2025, me aftësinë e industrisë së robotikës në vend për të promovuar zhvillim ekonomik dhe social me cilësi të lartë, të përmirësuar dukshëm, thuhet në plan.

Plani nxiti përpjekjet për t'u fokusuar në dhjetë fusha kyçe të aplikimit dhe për të arritur përparime në më shumë se 100 teknologji dhe zgjidhje inovative aplikimi për robotët.

Po ashtu, do të promovohen mbi 200 skenarë të modeleve të aplikimit me teknologji të përparuara, mënyra inovative aplikimi, rezultate të spikatura të aplikimit, si dhe do të krijohet një grup ndërmarrjesh aplikacionesh, qendrash eksperience dhe qendrash verifikimi lider në industrinë “robotics+”.

Foto:VCG

Foto:VCG

Në plan theksohen gjithashtu përpjekjet për të ndërtuar një sistem inovativ bashkëpunues për prodhimin dhe aplikimin e robotëve dhe përshpejtimin e zhvillimit dhe promovimit të standardeve të aplikimit të robotëve.

Dendësia e robotëve, e matur me numrin e robotëve për 10.000 punëtorë prodhues, është një tregues kyç për matjen e niveleve inteligjente të prodhimit. (Irma)