Foto nga VCG
Të mërkurën, sekretari i përgjithshëm i Partisë Komuniste të Kinës dhe president i vendit Xi Jinping i dërgoi sekretarit të përgjithshëm të Partisë Komuniste të Vietnamit Nguyen Phu Trong një mesazh urimi me rastin e 73-vjetorit të vendosjes së marrëdhënieve diplomatike ndërmjet të dy vendeve.
Xi Jinping-u u shpreh në mesazh se marrëdhëniet kino-vietnameze kanë ruajtur prirjen e mirë të zhvillimit. Sivjet është 15-vjetori i vendosjes së marrëdhënieve të partneritetit e të bashkëpunimit të gjithanshëm strategjik ndërmjet dy vendeve, dhe lidhjet dypalëshe gjenden përpara mundësive të reja të zhvillimit.
Po të mërkurën, kryeministri kinez Li Keqiang i dërgoi një mesazh urimi homologut të tij vietnamez Pham Minh Chinh, kryetari i Komitetit të Përhershëm të Asamblesë Kombëtare Popullore të Kinës Li Zhanshu i çoi mesazh urimi kryetarit të Asamblesë Kombëtare të Vietnamit Vuong Dinh Hue dhe ministri i Jashtëm kinez Qin Gang uroi homologun e tij vietnamez Bui Than Son për 73-vjetorin e vendosjes së marrëdhënieve diplomatike ndërmjet Kinës e Vietnamit. (Fani)