Foto:VCG
Agjencia e Zonave të Mbrojtura po zhvillon cencusin e shpendëve dimërore, në liqenin e Ohrit, si dhe në Prespën e Madhe dhe Prespën e Vogël, në Pogradec dhe Korçë.
Sipas specialistëve, ndryshimi i kushteve klimaterike dhe dimri më i butë i këtij viti ka ndikuar në rënien e numrit të prurjeve të reja të shpendëve në këto liqene, shkruan “RTSH”.
Programi i AZM-së ka për qëllim identifikimin dhe numërimin e shpendëve në këto tre liqene, një proces i rëndësishëm për florën e faunën.
Foto:VCG
Censusi ndërkombëtar i shpendëve ujorë zhvillohet në të njëjtën kohë në tre shtete ndërkufitare Shqipëri, Maqedoni e Veriut dhe Greqi të cilat lagen nga liqeni i Ohrit dhe liqenet e Prespës.
Pavarësisht ndikimit të kushteve atmosferike, moratoriumi i viteve të fundit ka qenë një nga faktorët kryesorë që ka ndikuar ndjeshëm në rritjen e numrit të shpendëve në liqene. (Irma)