Mijëra shpikje nga e gjithë bota janë ekspozuar në Ekspozitën e 49-të Ndërkombëtare të Shpikjeve në Gjenevë.

Mbi 40 vende marrin pjesë në ekspozitë, por Kina përfaqëson më shumë se një të tretën e të gjitha shpikjeve, me një pavijon të tërë kushtuar vetëm shpikjeve të Hong Kongut. 

Shpikjet janë kryesisht nga universitete ose institucione kërkimore, startups dhe shpikës privatë. Ata të gjithë shpresojnë që prototipet e tyre të vihen re dhe të shkojnë në prodhim tregtar.

Një shpikje e tillë është një robot i zgjuar zjarrfikës, i cili përdor teknologjitë e inteligjencës artificiale, për të vepruar në mënyrë autonome dhe për të ofruar mbështetje për zjarrfikësit në situata të rrezikshme. Ai ka sensorë për të zbuluar edhe zjarret më të vogla dhe përdor teknologjinë për të vendosur se cilin agjent shuarjeje zjarri të përdorë. 

Shumë nga shpikjet e ekspozuara i kushtohen përparimeve në mjekësi dhe kujdesin shëndetësor. Një shembull është ProRuka, një dorë protetike e re, e kontrolluar nga sonomiografia me valë.