VCG

Qeveria e Rajonit të Posaçëm Administrativ të Hong Kongut (HKSAR) prezantoi Projektin e Zhvillimit të Inovacionit dhe Teknologjisë të Hong Kongut për të përcaktuar rrugën drejt ndërtimit të një qendre ndërkombëtare teknologjike.

Projekti krijon një rrugë të qartë zhvillimi dhe formulon një planifikim strategjik sistematik për zhvillimin teknologjik të Hong Kongut gjatë 5 deri në 10 vitet e ardhshme, duke përcaktuar tetë strategji kryesore në katër drejtime, bën të ditur “Xinhua”.

Strategjitë përfshijnë promovimin e zhvillimit të industrisë së teknologjisë dhe arritjen e "industrializimit të ri" në Hong Kong, pasurimin e burimeve të talenteve në inovacion dhe teknologji dhe zhvillimin e një qendre ndërkombëtare talentesh dhe thellimin e bashkëpunimit me pjesën kontinentale për integrim më të mirë në zhvillimin e përgjithshëm kombëtar.

VCG

Sipas planit, deri në vitin 2027, do të ketë rritje të konsiderueshme si në numrin dhe sasinë e investimeve në startup, ashtu edhe në numrin e kompanive të reja.

Deri në vitin 2032, numri i startup-eve do të arrijë sërish një rekord të lartë, duke i mundësuar Hong Kongut të bëhet një qendër kryesore në rajon apo edhe në botë, thuhet në plan, sipas të cilit Hong Kongu pritet të bëhet një nga destinacionet kryesore për financimin e startup-eve globale të teknologjisë. (Irma)