nga VCG
ADN-ja, një strukturë natyrore që ka evoluar për të koduar informacionin biologjik, mund të modifikohet artificialisht në një “muze dixhital” të qëndrueshëm dhe të vogël, bën të ditur “Xinhua”.
Një ekip shkencëtarësh kinezë kodoi 10 fotografi digjitale të muraleve të Dunhuang në 210.000 fije ADN-je përmes sekuencave nukleotide në një skedar 6.8 MB dhe ato mund të rikuperohen saktësisht nga një mostër e dëmtuar rëndë që është trajtuar në 70 gradë celsius për 70 ditë.
Qyteti Dunhuang në provincën Gansu të Kinës veriperëndimore është shtëpia e Shpellave Mogao, një vend i Trashëgimisë Botërore të UNESCO-s, i cili ka një koleksion të madh të veprave të artit budist, duke përfshirë rreth 45.000 metra katrorë murale.
nga VCG
Ruajtja e të dhënave të ADN-së është një teknologji me zhvillim të shpejtë për shkak të densitetit të lartë, qëndrueshmërisë afatgjatë dhe kostos së ulët të mirëmbajtjes. Megjithatë, gabimet që lindin shpesh nga kodimi in-vitro mbeten një sfidë e madhe teknike për këtë teknologji.
Ekipi i studiuesve të udhëhequr nga Yuan Yingjin nga Universiteti Tianjin ka zhvilluar një algoritëm, të prirë ndaj gabimeve të montimit të fijeve, që lejon kuratorët e muraleve të marrin të dhënat me saktësi nga zgjidhjet e ADN-së së ruajtur në 9.4 gradë celsius pa asnjë mbrojtje për rreth 20.000 vjet.
nga VCG
nga VCG
Studimi u botua së fundi në revistën “Nature Communications”.
Zbulimi i fundit e bën ADN-në një nga komponentët më të fuqishëm të kujtesës që mund të ndihmojë në mbrojtjen dhe përcjelljen e trashëgimisë kulturore, thanë studiuesit. (Fatosi)
