Porta Brandenburg në Berlin gjatë natës me masat e kursimit të energjisë, më 1 shtator 2022 (Foto VCG)

Masat e kursimit të energjisë për individët, kompanitë dhe sektorin publik në Gjermani hynë në fuqi të enjten, në përgjigje të rritjes së çmimeve të gazit në të gjithë Evropën, bën të ditur “Xinhua”.

“Për të shmangur një emergjencë të furnizimit me energji në dimër, politikëbërësit, bizneset dhe konsumatorët duhet të vazhdojnë të punojnë së bashku”,- bëri të ditur qeveria gjermane javën e kaluar, kur miratoi masat, duke theksuar se çdo kilovat orë e kursyer ndihmon.

Efektet e masave do të jenë veçanërisht të dukshme në orët e mbrëmjes pas perëndimit të diellit, pasi ndërtesat dhe monumentet publike nuk do të ndriçohen më. Me disa përjashtime, tabelat neoni dhe tabelat do të fiken edhe gjatë natës.

Në kuadër të masave do të ketë ndikim edhe në ngrohjen e godinave gjatë muajve të dimrit. Qeveria pret që vetëm kjo masë të kursejë dy teravat orë gaz dhe katër teravat orë energji elektrike.

Masa të mëtejshme të kursimit të energjisë, të tilla si kërkesa për rritjen e efikasitetit nga kompanitë intensive të energjisë, do të hyjnë në fuqi në tetor. “Është mjaft thelbësore për të kursyer ndjeshëm më shumë gaz: në administratën publike, në kompani, në sa më shumë familje private të jetë e mundur”,- tha ministri i Çështjeve Ekonomike, Robert Habeck. (Irma)