Foto nga VCG

Kina do të ndërmarrë hapa të mëtejshëm për të nxitur një klimë të favorshme biznesi dhe për të ulur kostot e transaksionit të imponuara nga qeveria, për të lehtësuar vazhdimisht barrën e lojtarëve të tregut dhe për të favorizuar vitalitetin e tyre, sipas vendimit të marrë në mbledhjen ekzekutive të Këshillit të Shtetit të kryesuar nga kryeministri Li Keqiang, citon “Xinhua”.

Sipas mbledhjes, tarifat e pajustifikuara të lidhura me biznesin do të korrigjohen tërësisht, do të kufizohet ndikimi i pushtetit qeveritar dhe do të ketë penalitete për parregullsitë në taksa dhe tarifa.

Kryeministri Li theksoi se gjatë viteve, qeveria ka kontrolluar rritjen e të ardhurave jotatimore, duke vendosur një kufi të rreptë për ushtrimin e pushtetit të qeverisë dhe duke frenuar me vendosmëri akuzat dhe gjobat arbitrare.

“Me miratimin e prodhimit industrial, do të miratohet një qasje e bazuar në kategori në rregullimin e produkteve të së njëjtës seri. Mbikëqyrja rregullatore do të forcohet dhe prodhimi dhe shitja e mallrave të falsifikuara dhe nën standard do të shtypet me vendosmëri, për të mbështetur konkurrencën e ndershme. Do të përmirësohen mekanizmat për mbledhjen dhe trajtimin e të dhënave për problemet në mjedisin e biznesit. Ne duhet të vazhdojmë të thellojmë reformën e funksioneve të qeverisë, për të nxitur një mjedis biznesi të klasit botëror, të orientuar nga tregu, i qeverisur nga një kuadër ligjor i shëndoshë”,- tha Li. (Irma)