Perimet Moo Shu, një gatim kinez që mund të konsumohet i vetëm ose i shoqëruar me oriz. Kërpudhat e zeza i shtojnë me të vërtetë shije, por edhe vlera ushqimore këtij gatimi.

Përbërësit e këtij gatimi janë lule zambuaku, (lule të përhapura në mbarë botën si trëndafilat, peonia, zambakët, manjolat apo lulet e qershive janë përdorur në kuzhinën kineze rreth 2 mijë vjet më parë ) kërpudha të zeza, trangull dhe vezë.

Ky gatim kërkon salcë soje, pak sheqer dhe pak kripë. Përbërësi kyç në këtë gatim është lulja e zambakut.

Përbërësit:

1 dorë lule zambaku (duhen lënë në ujë për 1 orë)

6-8 copë kërpudha të zeza të thata (duhen lënë në ujë për 1 orë)

3 lugë vaj kikiruku

3 vezë të rrahura

4 thelpinj hudhre

1 karotë të vogël

1 trangull

1 lugë gjelle salcë soje

1/2luge çaji me sheqer

Pak kripë

1 lugë vaj susami

Përgatitja:

Në një tas të madh hidhni lulet e zambakut dhe ujë të nxehtë. Lërini për të paktën 1 orë. Më pas shplajini dhe kullojani ujin. Hiqini fundet dhe pritini në gjysmë.

Në një tjetër tas hidhni kërpudhat e zeza dhe ujë të nxehtë, lërini këto për 1 orë. Kur kërpudhat të jenë të buta shplajini dhe më pas kullojini ujin. Pritini në copa të vogla.

Nxehni një lugë vaj.

Hidhini vezët e rrahura dhe më pas hidhini në një tas.

Shtoni në tigan 2 lugë vaj dhe hudhrën dhe skuqini për disa minuta

Shtoni lulet e zambakut dhe kërpudhat e zeza.

Kavardisni për një minutë dhe më pas shtoni karotën e prerë si në figurë. Gatuajeni derisa të zbutet karota.

Shtoni trangullin, salcën e sojës dhe sheqerin dhe përziejini menjëherë.

Në fund riktheni në tigan vezën e gatuar më parë dhe rregulloni shijen e kripë. Vazhdoni përzierjen derisa të gjithë përbërësit të jenë së bashku. Provoni perimet nëse janë gatuar dhe shtojini kripë nëse ka nevojë.

Këtë gatim mund të shoqëroni me oriz.