Guvernatori i Bankës së Shqipërisë, Ardian Fullani tha se viti 2013 do të karakterizohet nga rritja e shpenzimeve fiskale dhe e deficitit buxhetor.

Sipas tij, politikat fiskale rrisin stimulin makroekonomik afatshkurtër, por duhet kujdes ndaj nevojës për qëndrueshmëri afatmesme e afatgjatë të borxhit publik.

Fullani tha se Banka e Shqipërisë ka siguruar se inflacioni do të vijojë të mbetet brenda objektivit dhe çmimet e konsumit do të kenë një rritje me norma të ulëta.

Ndërkohë do të mbetet e pandryshuar norma bazë e lekut në nivelin më të ulët historik të 4%.

Sipas guvernatorit Fullani kjo do të thotë se "norma bazë e interesit në 4%, e pandryshuar, ruan karakterin stimulues të politikës monetare dhe duke i mundësuar ekonomisë reale të përfitojë nga kushtet më të mira të financimit në vitin 2013.

Fullani bëri edhe një rezume të ekonomisë shqiptare gjatë 2012-ës.

Gazetari i Radios së Jashtme të Kinës, Ardi Pulaj bisedoi me kolegen e "abcnews" në Tiranë, Blerina Zylyftari për ekonominë shqiptare në 2013-ën dhe vitin që lamë pas.