Fillojnë punimet e Kongresit të 19-të Kombëtar të PPK-së

Partia Komuniste e Kinës do të shënojë një "fitore të gjithanshme" në luftën e saj kundër korrupsionit duke shmangur ciklin historik të rritjes dhe të rënies, tha sekretari i përgjithshëm Xi Jinping në hapje të Kongresit të 19-të Kombëtar.

Duke e quajtur korrupsionin "kërcënimin më të madh" me të cilin ndeshet partia, Xi tha se lufta kundër korrupsionit nuk do të përfundojë, por do të ashpërsohet dhe bëhet më komplekse.

"Vendosmëria jonë duhet të jetë e fortë si një shkëmb për të ndërtuar një vrull dërrmues dhe për të siguruar një fitore tërësore", tha ai.

Xi ritheksoi tolerancë zero ndaj korrupsionit në parti, duke theksuar se si ata që marrin ryshfete dhe ata që i japin ato do të dënohen, ndërsa grupet e interesit do të pengohen të ngrihen në detyrë brenda partisë.

Xi tha gjithashtu se kudo ku do të largohen shkelësit e ligjit, ata do të kapen dhe do të sillen para drejtësisë.

Sipas raportit të punës të Partisë Komuniste të Kinës publikuar të mërkurën në ceremoninë e hapjes së Kongresit të 19-të Kombëtar, Kina do të përsosë sistemin e mbikëqyrjes shtetërore dhe partiake, do të përpilojë ligjin e mbikëqyrjes, të krijojë komisione të mbikëqyrjes në katër nivele (shtet, provincë, qytet dhe distrikt) në bashkëpunimin e organeve paralele të kontrollit disiplinor të Partisë për të realizuar monitorimin e të gjithë zyrtarëve që ushtrojnë të drejtën publike.

Komisionet do të autorizohen me përgjegjësi njëkohësisht edhe me të drejtat e zhvillimit të hetimeve dhe të ndalimit të të hetuarve. Partia Komuniste e Kinës do të forcojë mbikëqyrjen organizative dhe do të përmirësojë kontrollin demokratik dhe mes organeve paralele, të shtojë kontrollin e përditshëm, duke thelluar më tej inspektimin politik.

Në raportin e Kongresit të 19-të të PKK-së u tha ndër të tjera se në Kinë do të krijohen disa organe drejtuese dhe mbikëqyrëse në fushat e sundimit të ligjit, të ekologjisë, të mbrojtjes etj. Ato përfshijnë krijimin e grupit drejtues të qeverisjes së vendit sipas ligjit, për të forcuar rolin udhëheqës në ndërtimin e shtetit ligjor në Kinë; krijimin e grupit mbikëqyrës të burimeve natyrore në pronësi shtetërore; krijimin e komiteteve të mbikëqyrjes në të katër nivelet për të realizuar mbikëqyrjen e plotë ndaj zyrtarëve shtetërorë dhe krijimin e sistemit të mbikëqyrjes në komitetet e Partisë në nivel qyteti dhe distrikti për të forcuar luftën ndaj korrupsionit; krijimin e organizatës së ushtarakëve në pension për të mbrojtur të drejtat e ligjshme të tyre.

Xi：PKK-ja duhet të ketë moral politik dhe aftësi të lartë qeverisëse

Në raportin e punës mbajtur në Kongresin e 19-të Kombëtar, sekretari i përgjithshëmi PKK-së Xi Jinping vuri në dukje se Partia Komuniste e Kinës që drejton një vend të madh socialist me mbi 1.3 miliard njerëz, duhet të forcojë aftësinë e përgjithshme qeverisëse, në arsim, drejtim, reformë, novacion, në zhvillimet shkencore, në qeverisjen sipas ligjit, në trajtimin e sfidave etj.

Ai theksoi gjithashtu se Partia duhet të ketë ide strategjike, inovative dhe dialektike në zbatimin e ligjit.