PËR NE  VEND PUNE
      
cri albanian.cri.cn
Faqja e parë | Lajme | Kina Sot | Fokus ekonomik | Kultura | Kozmopolit | Shëndeti | Fjala në Lajm | Koment për RJK Muzikë | Revista "Ejani"
Këshilla për shëndetin në dimër
2013-12-13 15:40:34 CRI Komenti juaj Printoni

Stina e dimrit kërkon një përkujdesje të madhe ndaj shëndetit për shkak të temperaturave të ulëta. Në dimër organizmi ynë ka nevojë për një larmi më të madhe ushqimesh.

Më poshtë sjellim disa këshilla për të qëndruar të shëndetshëm:

1. Flini gjumë mjaftueshëm

Gjumi luan një rol shumë të rëndësishëm për shëndetin pasi gjatë tij, truri dhe trupi ynë shplodhet dhe rikuperon energjitë.

Specialistët theksojnë se për njerëz të ndryshëm, kohëzgjatja e gjumit është e ndryshme. Në dimër, duhet të flemë herët dhe të ngrihemi vonë. Dimri është stina e rezervës. Shumë kafshë hyjnë në letargji ose pakësojnë aktivitetet e tyre, për të rezervuar energji, në pritje të ardhjes së pranverës. Fjetja herët dhe zgjimi vonë mund të jenë në favor të rezervës së energjisë. Këshillohet që të flemë në orën 21:00 dhe të zgjohemi pas orës 7:00.

2. Konsumoni më shumë prodhime qumështi

Jeni 80% më të rrezikuar nga gripi apo ftohja në dimër nëse nuk keni imunitet të fortë. Prodhimet si djathi, qumështi, kosi janë burime të shkëlqyera proteinash dhe vitaminave A dhe B12. Ato gjithashtu përmbajnë sasi të lartë kalciumi, i cili është i domosdoshëm për shëndetin e kockave.

3. Konsumoni më shumjë fruta dhe perime

Duhet të përpiqeni të konsumoni 5 porcione frutash dhe perimesh çdo ditë. Po ashtu konsumoni frutat e thata dhe farat për më shumë magnez, zink dhe minerale të tjera.

Gjatë stinës së dimrit duhet të konsumojmë karotat, domatet, patatet, spinaqi, panxhari, brokolin dhe rrepat. Duhen zgjedhur fruta të pasura me vitaminë C, si agrumet, dhe me vitaminë E, që ndodhet te gruri, frutat e thata, vajin e ullirit dhe patatet.

Perimet e dimrit si korotat, lakrat, patatet etj mund të konsumohen në formë sallate, të gatuhen supë po ashtu mund të gatuhen në avull.

Nëse doni të evitoni marrjen e antibiotikë dhe vajtjen ke mjeku duhet të mendoni për parandalimin e gripit.

Si parandalohet gripi?

Këshillat e mëposhtme janë të vlefshme për forcimin e sistemit imunitar gjatë stinës së dimrit.

1.Pini shumë ujë

Në fakt uji është një element që duhet të konsumohet në çdo stinë, gjatë stinës së verës më shumë se në dimër.

2.Reduktoni nivelin e stresit

Studimet kanë treguar se ata persona të cilët kanë nivel të lartë stresi preken më lehtë nga gripi dhe i ftohti. Minimizoni stresin duke mos punuar më shumë se çduhet. Caktoni një ditë në javë për ta shpenzuar me miqtë dhe familjen tuaj.

3. Bëni rregullisht ushtrime

Është shumë e rëndësishme të bëni ushtrime përditë, edhe nëse ato zgjasin për 15 minuta çdo ditë. Bëni ecje në ajër të pastër dhe shijoni rrezet e diellit.

4. Lajini shpesh duart

Kjo do t'ju vlejë për të mbajtur larg bakteriet dhe viruset nga duart dhe fytyra juaj. Mbani një shishe me dezifektues për duart në formë xheli, në rastet kur nuk keni mundësi për larjen e duarve.

5. Mos pini duhan

Përveç ndikimeve të shumta në pamjen e jashtme, duhani dobëson ndjeshëm imunitetin dhe dëmton mushkëritë.

6. Hiqni dorë nga të gjitha llojet e sheqernave

Këtu përfshihen jo vetëm tortat, biskotat apo dhe ëmbëlsirat e tjera, por edhe buka, orizi dhe makaronat. Mirë është që t'i reduktoni. Hiqni dorë plotësisht nga të gjitha llojet e pijeve me sheqer dhe gaz pasi të gjitha këto dobësojnë imuntetin.

Çfarë është depresioni sezonal?

Një tjetër problem gjatë stinës së dimrit është dhe ndryshimi i humorit..

Ka njerëz që gjatë stinës së dimrit i kaplon ndjenja e depresionit, janë pa energji, nuk kanë dëshirë të bëjnë asgjë, e lënë veten pas dore, duan të qëndrojnë vetëm etj. Përveç këtyre simptomave shpeshherë ka dhe çrregullime të humorit, nuk ndjeheni mirë shpirtërisht, nuk keni durim, zemëroheni me lehtësi dhe shumë simptoma të tjera.

Specialistët thonë se ndryshimi i humorit e ka burimin tek mungesa e dritës së diellit.Kjo gjendje prek pothuajse të gjitha moshat.

Disa nga simptomat që tregojnë se vuani nga depresioni sezonal..

-Ndjenja e lodhjes

Edhe pse flemë mjaftueshëm përsëri ndjehemi të lodhur dhe nuk kemi dëshirë të bëjmë asgjë. Ndihemi të përgjumur pothuajse gjatë gjithë ditës.

Ndihemi pa energji

Keni një ndjenjë pafuqie për të punuar, studiuar etj. Dëshironi të qëndroni vetëm në shtëpi.

Shtim i dëshirës për të konsumuar ëmbëlsira

Stina e dimrit na bën që të konsumojmë më shumë ushqime me sheqer, për të fituar më shumë energji. Kujdes nga përdorimi i ëmbëlsirave, nuk këshillohet pasi dobëson sistemin imunitar.

Meqënëse shumica prej nesh kanë nevojë të theksuar për të konsumuar më shumë ushqime të yndyrshme apo ëmbëlsira, kjo gjë mund të sjellë edhe shtim në peshë.

Vështirësi në përqëndrim

Kur kemi çrregullime humori është vështirë të përqëndrohemi dhe të bëjmë një punë cilësore, po ashtu mbyllemi në vetvete duhe refuzuar qëndrimin madje dhe me personat e afërt.

Mundohuni të ruani një qëndrim pozitiv. Kujdesuni për veten dhe për pamjen tuaj të jashtme.

Vitamina C përmirëson humorin

Konsumoni ato perime dhe frutat që përmbajnë vitaminën C pasi studimet kanë treguar se kjo vitaminë ju përmirëson humorin. Studimet kanë konfirmuar nevojën për vitaminë C, sidomos për të rritur funksionin e trurit, për shërimin e shpejtë të plagëve, për parandalimin e të ftohtit për shëndetin e kockave etj.

Është një antioksidant fuqishëm për neutralizimin e radikaleve të lira. Specialistët e ushqimit rekomandojnë marrjen e 90mg vitaminë C në ditë për burrat dhe 75mg për gratë. Për shkak se trupi i njeriut nuk e prodhon apo ruan vitaminën C, sigurimi i saj nëpërmjet ushqimeve është shumë thelbësor.

Një ndër ushqimet me përmbajtjen më të lartë të vitaminës C është speci. Pothuajse të gjitha agrumet janë me sasi të lartë të vitaminës C. Brokoli, gjithashtu përveç shumë vitaminash të ndryshme është dhe një burim i shkëlqyer i vitaminës C. I mbushur me vitamina A, C dhe E, e gjithashtu edhe me një numër të antioksidantëve, brokoli është një nga perimet më të shëndetshme që nuk duhet të mungojë asnjëherë në tavolinë. Vitaminë C gjithashtu përmban asparagu, ananasi, kivi, lulelakra, luleshtrydhet etj.

5 arroret që mbajnë larg sëmundjet në dimër

Sipas Mjekësisë Tradicionale Kineze, arrat forcojnë veshkat, trurin dhe zemrën. Për më tepër, konsumimi i tyre në dimër mban larg shumë sëmundje.

Arrat

Arrat janë të pasura në proteina, yndyrna të shëndetshme, minerale dhe vitamina. Në veçanti, sasia e vitamins B dhe E tek arrat prandalon plakjen e qelizave, forcon kujtesën, po ashtu qëndron në majë të listës së ushqimeve për lëkurë dhe flokë të bukur.

Nga pikëpamja e MTK-së, arrat kanë ndikim shumë të mirë për veshkat po ashtu edhe kundër kollës. Ato ndihmojnë për çlodhjen dhe kundër stresit. Të gjitha këto veti e bëjnë arrën një ushqim të shkëlqyer për t' u përdorur në stinën e dimrit.

Arrat rekomandohen për të gjitha grupmoshat. Konsumoni rreth 20 gramë çdo ditë. Mos e hiqni cipën, pasi aty qëndron pjesa më e madhe e vlerave ushqyese.

Gështenjat:

Në ndryshim nga arrat, gështenjat përmbajnë më shumë karbohidrate, por më pak proteinë dhe yndyrë. Ato përmbajnë gjithashtu carotene, riboflavin, acid askorbik dhe vitamina të tjera. Lëndët ushqyese që përmbajnë gështenjat parandalojnë dhe trajtojnë hipertensionin, sëmundjet e zemrës dhe osteoporozën.

Mjekësia kineze e vendos gështenjën në të njëjtin grup me bimët medicinale si xhensen, astralagus dhe angelica.

Gështenja i bën mire veshkave, stomakut dhe gjakut. Megjithatë duhet të kini kujdes nga abuzimi me to pasi përmbajnë sheqer dhe niseshte, prandaj personat që vuajnë nga diabeti dhe obezët duhet të konsumojnë më pak gështenja, afro 30 gramë në ditë.

Lajthitë

Lajthitë janë të pasura në proteina, karbohidrate, vitaminë E, minerale, dhe fibra. Të gjitha këto veti janë të mira për reduktimin e kolesterolit dhe parandalimit të kancerit të zorrëve, të prostatës, të gjirit dhe sëmundjeve të tjera. Lajthitë po ashtu nxisin shëndetin e kockës dhe rregullojnë tensionin e gjakut.

Sipas MTK-së, lajthitë hapin oreksin, evitojnë lodhjen dhe rrisin energjinë. Lajthitë rekomandohen të konsumohen nga fëmijët pasi shërbejnë për zhvillimin e tyre. Rekomandohet 30 gramë lajthi në ditë.

Bajamet

Bajamet përmbajnë shumë minerale, aminoacide dhe kalcium. Studimet kanë treguar se konsumimi i bajameve ul rrezikun e sëmundjeve kardiovaskulare, ul kolesterolin dhe detoksifikon mushkëritë.

Bajamet përdoren gjerësisht në mjekësinë kineze për kurimin e kollës. Sidomos këshillohen për të moshuarit. Megjithatë, bajamet kanë efekt laksativ, personat të cilët kanë probleme me tretjen ose me diarrenë duhet të konsumojnë më pak. Këshillohet konsumimi i 20 gramëve në ditë.

Kikirikët

Kikirikët janë të pasur në proteina, fibra, magnez, hekur, zink, vitaminë D, vitaminë E, vitaminë B6, niacinë, riboflavin, baker dhe minerale të tjera.

Në mjekësinë kineze, kikirikët përdoren për ushqimin e gjakut, shëndetin e shpretkës dhe mushkërive, po ashtu edhe për një lëkurë të bukur. Këshillohet 20-30 gramë në ditë.

Mrekulli
Komenti im
Forum

Sondazh me dëgjuesit për dy sesionet e vitit 2015 në Kinë

Voto tani, shijo falas më vonë
Artikuj top
Rubrika top
China Radio International.CRI. All Rights Reserved.
16A Shijingshan Road, Beijing, China