Liderët që marrin pjesë në samitin e APEC-ut në Pekin dhe bashkëshortet e tyre kanë marrë pjesë në pritjen e organizuar nga kreu i Shtetit i Kinës Xi Jinping.

Eventi u zhvillua nën ritmet e muzikës dhe kërcimeve popullore, si dhe nuk munguan fishekzjarrët në "Kubin e Ujit" pranë Parkut Olimpik.

Xi Jinping mbajti fjalimin e rastit, ku foli për "APEC Blue".

"Këto ditë, disa njerëz e quajnë qiellin e pastër të Pekinit 'APEC Blue'. Është gjë e bukur, por e përkohshme. Shpresoj dhe besoj që me përpjekje të vazhdueshme "APEC blue" do të qëndrojë gjatë."

Liderët e APEC-ut do të qëndrojnë në Huairou për takimin e tyre kryesor.