Presidenti i Kinës Xi Jinping dhe homologu i tij rus Vladimir Putin do të zhvillojnë një takim dypalësh në kuadër të Samitit të 14-të të liderëve të shteteve anëtare të Organizatës së Bashkëpunimit të Shangait që do të mbahet më 11 shtator. Lajmin e bëri të ditur në një intervistë ambasadori i Kinës në Rusi Li Hui.
Ky është takimi i 4-t i të dy liderëve këtë vit. Li Hui u shpreh se Xi dhe Putini do të bëjnë një përmbledhje të rezultateve të arritura në marrëdhëniet dypalëshe gjatë këtij viti dhe do të shkëmbejnë mendime për zhvillimin e mëtejshëm të këtyre marrëdhënieve, për të nxitur bashkëpunimin konkret mes të dy vendeve, veçanërisht në projektet e mëdha strategjike.
Ambasadori kinez në Moskë Li Hui tha se marrëdhëniet e gjithanshme të partneritetit strategjik kino-rus ndodhen në periudhën më të mirë në histori. "Në gjendjen politike dhe ekonomike ndërkombëtare në ndryshim të vazhdueshëm, marrëdhëniet kino-ruse ndodhen përballë mundësive dhe sfidave. Ruajtja, zhvillimi dhe konsolidimi i këtyre marrëdhënieve janë detyra historike e përbashkët e të dy palëve," u shpreh Li. (Fang Xiaoyu/Artani)