Ministri i Jashtëm i Kinës Wang Yi u takua të mërkurën në Pekin me ministrat e jashtëm të Marokut, Katarit, Jemenit, Somalisë dhe sekretarin e përgjithshëm të Bashkimit Afrikan.

Personalitetet arabe vlerësuan lart zhvillimin e marrëdhënieve me Kinën dhe u shprehën njëzëri se duhet të trashëgohet fryma e rrugës së lashtë të mendafshit, të realizohet mendimi i palës kineze "një brez- një rrugë", duke e shndërruar atë në një rrugë moderne të bashkëpunimit me interes reciprok, të thellohet bashkëpunimi midis palëve në ekonomi, tregti, investime, në luftën kundër terrorizmit , në turizëm dhe fusha të tjera. Ata shprehën bindjen se takimi i ministrave në kuadër të Forumit të bashkëpunimit kino-arab, që do të mbahet më 5 qershor do të arrijë suksese mbi këtë cështje dhe do t'i japë botës një sinjal të fortë për forcimin e bashkëpunimit midis vendeve arabe dhe Kinës.

Nga ana e tij kryediplomati Wang Yi u shpreh se Kina është një mike e mirë dhe e vendosur e vendeve arabe. "Kina dhe vendet arabe do të bëjnë përpjekje për rritjen e begatisë së popujve të tyre si dhe për më shumë kontribut për paqen dhe zhvillimin e rajonit dhe botës", theksoi ministri i jashtëm Wang. (Du)