Kryetari i shtetit i Kinës Xi Jinping u takua në Pekin me sekretarin e përgjithshëm të OKB-së për zhvillimin industrial, Li Yong.
Xi Jinping vlerësoi ndihmën e kësaj organizate në zhvillimin e industrisë kineze.
Ai vuri në dukje se bashkëpunimi dypalësh u zhvillua krahas procesit të hapjes dhe reformave në Kinë. Bashkëpunimi 30 vjeçar mes dy palëve ka luajtur një rol aktiv për reformat dhe hapjen e Kinës, tha Xi Jinping.
Nga ana e tij, Li Yong vlerësoi bashkëpunimin e Kinës me këtë organizatë dhe garantoi mbështetjen e vazhdueshme të saj për industrializimin global.
Përvoja e suksesshme e Kinës duhet të jetë shembull për të gjitha vendet e botës, theksoi Li.
Organizata për Zhvillimin Industrial i kushton shumë rëndësi bashkëpunimit me Kinën, veçanërisht në drejtim të zhvillimit global. (Vera/Eda Merepeza)