Kryeministri i Serbisë, Ivica Daçiç ka deklaruar se së shpejti do ta vizitojë Kosovën, për t'iu ofruar mbështetje serbëve që masivisht të marrin pjesë në zgjedhjet lokale të 3 nëntorit.

"Kjo nuk është ndihmesë për Hashim Thaçin, por për popullin tonë, që të kemi organet tona në Kosovë", ka thënë Daçiç.

Mediat serbe njoftojnë se vizita mund të ndodhë javën e ardhshme. Ndërkohë, kryeministri i Kosovës, Hashim Thaçi, ka deklaruar se nuk do të lejohen vizitat e zyrtarëve serbë, që do të kenë karakter zgjedhor.

Vizitat në fjalë kanë qenë temë diskutimi në bisedimet Thaçi-Daçiç, zhvilluar të hënën në Bruksel.(Nga Balkanweb)