Presidenti sirian Bashar al-Asad e akuzoi të dielën Izraelin se synon të minojë stabilitetin e Sirisë. Kjo ishte deklarata e parë e Asadit lidhur me incidentin e goditjes ajrore izraelite brenda territorit sirian ndaj asaj që sipas Damaskut ishte një qendër kërkimore.

Sipas njoftimeve të Agjencisë së Lajmeve të Sirisë, Asadi u takua të dielën me sekretarin e Këshillit të Lartë të Sigurisë Kombëtare të Iranit Saed Xhalili që po viziton Damaskun. Presidenti sirian tha se goditja izraelite tregon bashkëpunimin e Tel-Avivit me opozitën brenda në territorin sirian, për të dëmtuar stabilitetin e Sirisë dhe për të dobësuar forcën e saj.

Ministri i Mbrojtjes i Izraelit Ehud Barak pranoi të dielën në Konferencën e Sigurisë në Mynih se trupat izraelite ndërmorën një sulm ajror ndaj instalimeve ushtarake siriane. "Ngjarja e ndodhur disa ditë më parë tregon se ne bëjmë atë që themi. Ne kemi paralajmëruar që të mos dërgohen armë në Liban, " tha kreu izraelit i mbrojtjes. (Çang Çuo/Artani)