Shefja e misioneve humanitare të OKB-së, Valerie Amos, vizitoi të dielën Damaskun dhe zhvilloi bisedime me ministrin e Punës dhe Çështjeve Sociale të Sirisë Jassim Mohammad Zakarya për të diskutuar rreth situatës humanitare të refugjatëve sirianë.

Zakarya tha se këto bisedime arritën "përparime pozitive", por nuk dha detaje mbi planin konkret të arritur nga të dy palët.

Amos vizitoi gjithashtu një pikë strehimi të refugjatëve në distriktin Barzeh të Damaskut.

Sipas të dhënave të publikuara nga OKB-ja, afro 4 milionë sirianë kanë nevojë për ndihmë humanitare urgjente dhe së paku 2 milionë kanë humbur shtëpitë.

Zv.sekretari i përgjithshëm i Lidhjes Arabe theksoi se megjithëse vendet fqinje të Sirisë kanë ofruar një ndihmesë të madhe, situata e refugjatëve mbetet ende e zymtë. Ai shtoi se ndihma për refugjatët sirianë kërkon që vendet arabe të bashkëpunojnë, pasi një vend i vetëm s'mund ta mbajë gjithë këtë përgjegjësi. (Çang Çuo/Albana)