Situata në Siri nuk kërkon ndërhyrje emergjente nga Rusia, deklaroi ministri i Jashtëm Sergei Lavrov të mërkurën.

Sipas njoftimeve në Siri ndodhen më qindra e mijëra qytetarë rusë, shumica gra. "Ata janë informuar se në rast se duan të largohen nga Siria, ne do t'i kthejmë në shtëpi," u tha ministri i Jashtëm gazetarëve gjatë konferencës vjetore të shtypit.

Rreth 8,000 shtetas rusë janë të regjistruar në ambasadën ruse në Siri. Por ambasada shton se rreth 25 mijë shtetas të tjerë të pa regjistruar jetojnë në qytetet e përfshira nga lufta.

Më herët të mërkurën, dy avionë rusë u ulën në aeroportin Domodedovo të Moskës, me 77 shtetas rusë në bord, shumica gra dhe fëmijë. Avionët u nisën nga kryeqyteti i Libanit, Bejrut.

Operacioni është ndërmarrë për të kthyer në atdhe shtetasit rusë që e dëshirojnë një gjë të tillë, shtoi ministria duke nënvizuar se nuk bëhet fjalë për një evakuim. (Leftion Peristeri)